Cronfa Dysgu Seiliedig ar y Celfyddydau

• Sefydliadau celfyddydol a diwylliannol yn gweithio mewn partneriaeth â lleoliadau addysg ffurfiol (gan gynnwys ysgolion cynradd ac uwchradd a gyllidir gan y wladwriaeth, ysgolion arbenigol AAAA, colegau Addysg Bellach, lleoliadau darpariaeth amgen megis Unedau Cyfeirio Disgyblion, a rhai mathau o leoliadau Blynyddoedd Cynnar a gyllidir gan y wladwriaeth) 
• Gall sefydliadau celfyddydol fod yn elusennau, yn sefydliadau cymunedol, yn fentrau cymdeithasol ac yn gwmnïau dielw sy’n weithgar yn sector y celfyddydau a diwylliant
• Rydym yn croesawu’n arbennig geisiadau gan sefydliadau sy’n cael eu harwain gan bobl yr effeithir arnynt fwyaf gan ormes, yn cynnwys hiliaeth, rhagfarn ar sail anabledd, dosbarthiaeth, rhywiaeth, senoffobia, homoffobia, a/​neu drawsffobia.
• Sefydliadau sy’n datblygu rhaglenni gwaith sefydledig a/neu’n profi dulliau newydd

Rydym yn annog sefydliadau celfyddydol a diwylliannol yn gynnes i archebu galwad ymholi i ddarganfod mwy am y Gronfa Dysgu Seiliedig ar y Celfyddydau.

Rydym am gefnogi sefydliadau sy’n:

• defnyddio cynnwys a dulliau sy’n seiliedig ar y celfyddydau i gefnogi dysgu plant. Gall y rhain gynnwys y ffurfiau canlynol ar gelfyddyd: crefftau; ysgrifennu creadigol, gan gynnwys barddoniaeth a’r gair llafar; dawns; dylunio; ffilm; cerddoriaeth; opera; ffotograffiaeth; celfyddydau a chyfryngau digidol; theatr a drama; y celfyddydau gweledol; ac arferion traws-gelfyddydol;
• meddu ar arfer o ansawdd uchel o ran arbenigedd ac adnoddau;
• cyfrannu at ddatblygiad arfer athrawon yn y lleoliad addysgol;
• ymateb i anghenion penodol disgyblion a/​neu leoliad addysg
• cyd-adeiladu gwaith gyda’u partneriaid lleoliadau addysg;
• ag ymrwymiad i ddatblygu sylfaen dystiolaeth ar gyfer eu gwaith trwy adfyfyrio, dysgu sefydliadol, gwelliant parhaus a gwerthuso;
• sicrhau bod eu gwaith a’u gweithlu yn gynrychioliadol, yn barchus, ac yn berthnasol i brofiad bywyd y disgyblion y maent yn gweithio gyda nhw;
• wedi ymrwymo i wrth-hiliaeth, yr ydym yn ei ddiffinio fel y gwaith gweithredol i nodi a gwrthwynebu hiliaeth, sy’n cynnwys newid systemau, strwythurau, polisïau ac arferion, yn ogystal ag agweddau i greu cymdeithas decach. Bydd sefydliadau’n canoli gwrth-hiliaeth wrth gynllunio a chyflawni gwaith ac yn sicrhau bod y prosesau a’r dulliau gweithredu’n cael eu hystyried drwy lens gwrth-hiliaeth; a
• chydnabod bod annhegwch yn digwydd mewn ffyrdd sy’n cysylltu ac yn croestorri ar draws hil, rhyw, dosbarth, anabledd a nodweddion eraill, a fydd hefyd yn gysylltiedig â chyd-destun lleol a phersonol.

Rydym eisiau cefnogi gwaith sydd:

Yn ychwanegol at ein heithriadau cyffredinol, ni allwn gyllido:

• ceisiadau gan ysgolion a lleoliadau addysg ffurfiol eraill (fodd bynnag gall ysgolion cynradd wneud cais yn uniongyrchol ar gyfer y Gronfa Datblygu Athrawon);
• ceisiadau gan brifysgolion. (Rydym yn cydnabod bod rhai sefydliadau celfyddydol a diwylliannol o dan ymbarél sefydliadol prifysgol ac os felly maent yn gymwys i wneud cais. Gall prifysgolion hefyd fod yn bartner yn y prosiect – er enghraifft yn ymwneud â gwaith dysgu a gwerthuso);
• gweithio gyda lleoliadau addysg ffurfiol nad ydynt yn cael eu cyllido gan y wladwriaeth (er ein bod yn deall bod gan rai lleoliadau AAAA a lleoliadau arbenigol darpariaeth amgen drefniadau cyllido gwahanol, ac rydym yn annog sgwrs am hyn drwy ein proses galwad ymholi);
• sefydliadau a gofrestrwyd yn ddiweddar nad ydynt eto wedi cynhyrchu set o gyfrifon;
• gwaith sydd neu y dylai fod yn hawl statudol, ac efallai yr hoffech drafod hyn yn fanylach mewn galwad ymholi;
• gwaith sy’n therapiwtig yn ei ymarfer a’r canlyniadau a fwriedir; neu
• gwaith sy’n canolbwyntio ar ddatblygu creadigrwydd disgyblion, trwy ddulliau nad ydynt yn seiliedig ar y celfyddydau.

Sylwch mai anaml y byddwn yn ystyried ceisiadau ariannol sy’n cynrychioli mwy na 50% o drosiant blynyddol ymgeisydd.

Mae’r gronfa Dysgu Seiliedig ar y Celfyddydau yn gweithredu ar sail dreigl. Mae hyn yn golygu y gall sefydliadau wneud cais ar unrhyw adeg gan nad oes dyddiadau cau. 

Dylai pob ymgeisydd ddisgwyl clywed gennym o fewn pedwar mis. Gall ceisiadau llwyddiannus gymryd tua chwe mis o ddyddiad y cais i dderbyn grant.